PUBLIC TELEVISION THIAB ECHO TV

Qhov tso tawm ECHO TV–tam sim no, thiab thaum muaj xwm txheej ceev–yog ua tau vim muaj kev koom tes nrog tpt (Twin Cities Public Television).

ECHO TV cov program tso tawm sib law txog kev noj qab haus huv thiab kev npaj rau xwm txheej ceev yuav tso tawm rau Twin Cities Public Television (tpt) – MN-Channel 17 hauv nroog. Cov nyob hauv nroog uas muaj cable thiab TV siv satellite saib tau tshooj tpt’s Minnesota Channel rau ntawm Comcast digital cable tshooj 243, Time Warner digital cable tshooj 234 thiab 1021, thiab raws over-the-air digital receivers ntawm tshooj 17-2. Rau cov nroog nyob ib cheeb tsam ntawm Nroog Ntxaib, saib cov ntawv hauv zos seb yog tshooj twg.

Qhov kev koom tes ntawm tpt thiab ECHO TV muaj kev pab tswv yim siv cov twj kom tsim tau ECHO TV cov programs xws li kev siv tpt St. Paul chav yees duab los mus yees cov duab ua ib zaj yeeb yam zuj zus. Zaj dab neeg uas thaij ua ntej lawm rau hauv daim kab-xev video nrog zaj yeeb yam yog tsim tawm dawb los ntawm SPNN-TV (Saint Paul Neighborhood Network).

ECHO Minnesota Collaborative tseem tab tom khwv tias yuav ua cas thiaj li ua tau kom ECHO TV muaj tso tawm thoob plaws lub xeev yog li nws tseem tsim kev koom tes nrog cov chaw tso TV dawb uas nyob thoob plawv cov zos ib cheeb tsam ntawm Nroog Ntxaib.  Tam sim no ECHO muaj kab-xev DVD uas luam tseg nws cov yeeb yam hauv ECHO TV muab tau rau cov chaw lis dejnum saib kev noj qab haus huv thoob plaws Minnesota, thiab nqua hu kom lawv pab muab mus rau cov chaw tso cable TV hauv lawv zos tso tawm.  Cov uas xav saib ECHO TV cov yeeb yeem dhau los mus saib tau ntawm yeeb yam dhau los.

Thaum muaj ib qho xwm txheej thoob plaws lub xeev, ECHO TV yuav thaij duab tso tawm thaum tabtom tshwm sim.  Cov duab uas thaij tawm yuav tuaj pem tpt chav yees duab hauv St. Paul tuaj.  Cov tshooj uas qhib rau pej xeem saib thoob plaws Minnesota kuj saib tau cov xov xwm zoo tib yam no tib lub caij thiab.

Raws qhov kev koom tes uas muaj thawj-zaug-hauv-tebchaws no, kev saib TV yog ib qho uas cov neeg paub lus Askiv tsis tshua zoo siv txhua lub hlis los ua chaw kawm txog kev noj qab haus huv thiab kev kaj huv.  Tsis tas li no, Minnesota cov chaw tso TV dawb npaj tiav yuav los ua tus tswv faib lus qhia rau cov neeg uas paub lus Askiv tsis tshua zoo rau thaum muaj xwm txheej ceev txaus ntshai thoob plaws lub xeev.