Noj tshuaj kws muaj ntau yaam vivtasmees (multivitamin) tov ua ke txhua nub tseem ceeb heev rua kev noj qaab haus huv ntawm txhua tug quas puj. Feem coob cov quas puj tsi tau txhua yaam kws puab lub cev yuav tsum tau muaj lug ntawm kev noj tej zaub mov kws ua rua puab noj qaab haus huv xwb.

Kev noj khoom kws ua rua lub cev muaj zug xws le txiv maab txiv ntoo hab tej nyuas zaub yuav paab, tab sis tuab txuj kev kws yuav paub tseeb tas paab tau koj lub cev txais tau taag nrho cov vivtasmees yuav tsum yog noj cov tshuaj kws muaj ntau yaam vivtasmees tov ua ke kws muaj txug 400 micrograms qhov folic acid txhua nub.