|
|
Xwm Txheej Kev Nyob Zoo
Ntawm no yog ib qhov kev soj ntsuam los ntawm lub koom haum Emergency and Community Health Outreach ECHO thiab lawv txoj kev tshaj tawm xov xwm txog xwm txheej ceev. Koj tab tom tau txais cov xov xwm no vim tias koj tau cuv npe los ua ib tus neeg uas peb ceeb toom rau. Yog tias qhov no yog ib qho xwm txheej ceev ua muaj tseeb tiag ces peb yuav koom tes nrog koj los mus tshaj tawm cov xov xwm no thiab muab cov lus no txhais rau cov pejxeem uas tsis paub lus Aaskiv zoo.
Thov teb cov lus no ntawm info@echominnesota.org es peb thiaj kaw tau tias koj tau txais qhov xov xwm no lawm tiag. (Tsis txhob nias “Reply.” Peb tsuas txais tau koj cov lus teb yog tias xa rau info@echominnesota.org xwb.)
Thaum ua qhov kev soj ntsuam no, thov xav txog cov xov xwm ua qhia txog kev khiav tsheb nyob rau hauv Ob lub Nroog Ntxaib no:
Pib hnub Friday tsaus ntuj lub 8 Hli hnub 29 mus txog hnub Saturday sawv ntxov lub 9 Hli hnub 6, cov kev khiav tsheb ib ncig ntawm lub tuam tsev Xcel Energy Center yuav raug muab hloov vim muaj rooj sab laj loj rau lub Republican National Convention. Txwv tsis pub tsav tsheb thiab caij luv tees nyob ze ib ncig ntawm lub tuam tsev Xcel Energy Center li.
Nom tswv hauv zos thiab hoob kaas tub ceev xwm tab tom tshaj tawm xov xwm txog tias yuav siv tsheb baav (bus) thiab yuav khiav kev mus los li cas kom pab cov tib neeg uas nyob lossis ua haujlwm hauv downtown kom khiav tsheb mus los yooj yim thaum lub sij hawm lub rooj sab laj loj no tseem tshwm sim.
Feem ntau ntawm cov kev loj uas khiav mus rau hauv zos St. Paul – xwsli Kevloj 94 thiab 35E, cov kev Wabasha thiab Robert, thiab txoj kev Shepard Road – yuav qhib tsis kaw. Tej ntug kev uas raug kaw ces yeej yuav muaj paib tiv kom zoo kom yooj yim rau tsheb khiav mus los ntawm thaj tsam ib ncig ntawd.
Sawvdaws uas yuav tsav tsheb thiab caij baav (bus), thov npaj ua ntej thiab npaj siv sij hawm ntev dua txhua zaus rau kev khiav tsheb mus los.
Yog xav paub txog tias kev tsheb thiab baav khiav zoo li cas thaum lub sij hawm muaj rooj sab laj loj no ces mus saib rau ntawm www.stpaul.gov, lossis hu rau tus xovtooj 651-266-8989.
Cov xov xwm uas muab txhais ntau hom lus rau koj no yog tawm los ntawm lub hoob kaas City of St. Paul thiab lub koomhaum ECHO (Emergency and Community Health Outreach / www.echominnesota.org).
Kev soj ntsuam los xaus li no xwb.
Vim li cas thiaj li soj ntsuam:
Thaum muaj kev xwm txheej ceev, muaj ob peb yam haujlwm ua yuav tau tshwm sim. Qhov kev soj ntsuam no yuav pab tau ECHO thiab cov txhais lus los koomtes ua haujlwm uake kom zoo, kom cov tib neeg uas khiav cov dejnum xwm txheej ceev no thiab lwm cov neeg los sim khiav tej kev tshaj tawm xov xwm rau cov pejxeem ua tsis paub lus Aaskiv zoo.
Vim li cas koj cov lus teb thiaj tseem ceeb:
Tej yam uas peb kawm tau los ntawm qhov kev soj ntsuam no yuav pab txhim kho peb txoj kev tshaj tawm xov xwm kom zoo dua. Thov qhia rau peb tias koj tau txais tsab xov xwm no lawm: info@echominnesota.org.
Xwm Txheej Kev Nyob Zoo
hais txog qib tseem ceeb tshaj; txaus yuav tsum tau ua dab tsi los sis saib xyuas tam siv.
Ceeb Toom Kev Nyob Zoo
muaj lus tseem ceeb qhia txog ib yam teeb meem los sis caij; tej zaum yuav tsis kom ua dab tsi.
Lus Qhia Tshiab txog Kev Nyob Zoo
muaj lus qhia tshiab txog ib yam teeb meem los sis caij; feem ntau yuav tsis kom ua dab tsi.
|
Nkag Npe rau ECHO Cov Lus Qhia Xwm Txheej thiab Kev Phuaj Phais, Lus Ceeb Toom los sis Lus Qhia Tshiab