|
Lus Qhia Tshiab txog Kev Nyob Zoo
ECHO (Emergency and Community Health Outreach) tau tsim muaj los xyuas tias kom cov tib neeg uas tsis paub lus Askiv zoo tau txais cov lus qhia txog kev cawm siav nrog kev noj qab haus huv thiab kev kaj huv thiab siv lawv yam lus.
Kev hloov mus siv cov this vis digital (DTV) (siv leb) tab tom pib tawm tuaj.
Raws li saum kev cai, cov tsev tso this vis tawm thoob teb chaws yuav tsum hloov tshaj xo siv analog mus rau this vis digital (siv leb) tsis pub dhau lub Ob Hlis ntuj 17, 2009*.
Kuv yuav ua licas hloov kho mus siv DTV tau?
Yuav tsis tsim teebmeem dab tsi rau cov siv this vis txuas xov, txuas rau hnub qub nyeg lossis cov this vis txuas los ntawm koos pas nis xa xovtooj, thiab yuav txais tau ntxiv mus tom qab lub hnub nyoog li hais. Tabsis cov this vis analog (txais duab) los ntawm tus ncej txais xov tooj yuav tsum tau muaj ib lub thawv cais DTV kom txais tau huab cua txuas mus ntxiv tom qab lub hnub nyoog hais los.
Digital TV (DTV) uas siv leb yog dabtsi?
Digital TV (DTV) yog tej txuj ci xa this vis raws huab cua hom tshiab uas xa duab mus raws ncua ntxee huab cua siv leb, xws li lub kos puj tawj. DTV yuav muaj peevxwm ua kom cov tsev xa this vis raws huab cua xa tau duab txheeb tshaj qub, suab zoo dua qub thiab muaj tej khoom xaiv siv ntau yam ntxiv.
DTV kuj tseem muaj peevxwm kom xa tau qhov high-definition (HD) rau cov neeg saib uas siv lub this vis HD thiab kom tuaj yeem hloov pauv mus los tau thiab muaj kev ua pab rau kev siv data xws li ua rau kom rub tau dawb saib ze tau zoo ntxiv.
Ua cas thiaj li hloov?
Ua raws li txoj kev cai uas Xab Pha teb chaws tau txais siv – txoj cai Deficit Reduction Act xyoo 2005 – cov tsev xa xovtooj cua this vis ua muaj zog txaus yuav tau kaw nws kev xa mus raws hom analog rau tim Ob Hlis ntuj 17, 2009, thiab yuav tig los mus xa raws siv hom digital kom tag.
Txiaj ntsim ntawm DTV yog dabtsi?
DTV yog hom kev xa this vis uas zoo dua qub, thiab nws yuav ua kom cov ntxeev xa qib huab cua tsawg dua qub cia siv rau lwm yam. DTV tseem ua kom pom duab ntsiab thiab suab zoo tshaj qub ntxiv, muaj ntau kem saib thiab tseem tsis tau them nqi, rau cov kev xa raws huab cua siv high-definition this vis (HDTV) rau cov neeg saib uas muaj lub this vis HD. DTV tseem muaj peevxwm ua kom siv tau ntau yam dawb dua yav tag los ntawm civ tsev xa huab this vis raws huab cua.
Yuav raug leej twg?
Cov saib this vis uas txais saib dawb los ntawm cov sab huab cua saum tus ncej txais cua los rau lub this vis uas yog siv hom analog tso saib – thiab cov tsis txuas rau xovtooj, hnub qub nyeg lossis lub koos pas nis uas ua haujlwm xa xovtooj – yuav raug saib tsis tau yog thaum hloov pauv.
Qhov tsawg yog 19.6 vam yim tsev uas txais this vis xa tuaj saib dawb nyob rau lawv tej vaj tse, thiab kwv yees li 70 vam lub this vis yuav muaj qhov ntshai rwg txais huab cua tsis tau thaum muaj cov tsev xa huab cua muaj zog tom qab lub Ob Hlis ntuj 17, 2009, yog hais tias cov tswv this vis tsis muab siab rau hloov kho.
Kuv yuav ua licas hloov kho mus siv DTV tau?
Koj tuaj yeem hloov kho mus siv DTV ua raws li peb theem hauv qab no ua ntej lub Ob Hlis ntuj 17, 2009:
1. Lub thawv cais DTV: Muas ib lub thawv cais DTV coj los ntsia rau koj lub TV uas siv hom analog. Lub thawv cais no yuav ua rau koj tuaj yeem saib tau this vis dawb mus ntxiv, thiab lub thawv no, uas yog yuav raug nqi li ntawm $40 thiab $70, yuav muaj tawm muag rau lub hauv xyoo 2008 no. Tsoom fwv teb chaws tau muab ib co kus poos tam nyiaj nqi $40 pab muas lub thawv no uas koj siv muas tau.
(Saib meej nyob hauv qab)
2. Lub Digital TV: Muas ib lub this vis tshiab uas muaj qhov digital nyob rau hauv lawm lossis lub txav kho Advanced Television Systems Committee (ATSC), uas tus nqi pib qis dua $100. Tag nrho cov TVuas muaj lub digital txav kho (tuner), muaj peevxwm txais tau this vis tso tawm raws huab cua digital saib dawb, li ntawd koj tuaj yeem saib tau cov lai kas saib dawb tsis tau them nqi raws hli.
3. Kev txais saib tau them nqi: Mus yuav cov siv xov, siv hnub qub nyeg lossis tso tawm raws kos pas nis xa xov tooj es siv cov TV txais duab analog los tau, yog hais tias cov chaw xa uas xav siv tseem muaj qhov kev xa li hais no.
Lub thawv cais DTV yog dabtsi?
Lub thawv cais DTV yog ib qho cuab yeej hluav taws xob uas txuas rau koj lub this vis txais duab analog muaj tub ncej thiab yuav cais this vis digital (siv leb) mus ua analog, ua rau tuaj yeem saib koj lub TV analog tau. Lub thawv cais no yuav raug nqi li ntawm $40 thiab $70.
Kuv yuav ua licas thiaj tau daim kus poos thov yuav lub thawv cais DTV tau?
Tsoom fwv teb chaws tau muab cov kus poos yuav thawv cais DTV no pab rau tus nqi kom hloov tau mus siv cov this vis siv leb digital. Yim tsev tuaj yeem thov tau txog ob daig kus poos, raug nqi ib daig $40, uas yuav tsum tau them rov tsis pub dhau 90 hnub. Xav paub ntau ntxiv los yog xav thov yuav kus poos, hu rau (888) DTV-2009 lossis 1 (877) 530-2634 (TTY), mus saib www.DTV2009.gov los yog xa ntawv thov kus poos mus rau lub PO Box 2000, Portland, OR 97208.
Kuv puas tuaj yeem khaws kuv lub TV analog cia?
Tau. Kev muas this vis digital tshiab tsis yog tsuas tib txog kev uas koj txhiaj li yuav hloov mus txais DTV tau xwb. Yog koj xav siv koj lub this vis analog mus ntxiv, koj yuav tsum tau xav txog ib qho kev xaiv li hauv qab no uas yuav hloov mus siv this vis digital:
1. Muas ib lub thawv cais DTV, uas yuav cais cov huab cua xa digital mus ua hom analog rau cov this vis siv analog.
2. Mus yuav siv xov, hnub qub nyeg los yog cov tso tawm raws chaws xa xov tooj kom txais tau hom huab cua xa digital.
Ua licas kuv thiaj li paub tau hais tias kuv lub this vis yog hom analog los digital?
Yuav ntsuam xyuas kom paub koj lub TV puas txais tau hom tshaj tuaj raws huab cua ua digital, saib koj phau ntawv qhia ntawm lub this vis, lossis saib ntawm lub this vis seb puas muaj qhov sau hais tias twb muaj Advanced Television Systems Committee (ATSC) tso tau hauv lawm. Koj tseem tuaj yeem mus saib lub chaw ua tus Web site es ntsuam xyuas raws tus najnpawb hom this vis seb muaj peev xwm txais tau licas.
Hom this vis HDTV thiab DTV puas yog tib yam?
Tsis yog. DTV yog this vis digital. HDTV yog hom this vis high definition. HDTV yog hom DTV uas saib tau zoo tshaj plaws, tabsis nws kuj tsuas yog ib hom ntawm ntau ntau hom thiab xwb. Cov neeg muaj hom TV high definition tuaj yeem txais saib cov lai kas this vis zoo es tsis tau them nyiaj uas siv ncej xov tooj.
Kuv puas yuav tsum tau siv ncej xov tooj tshwj xeeb los txais huab cua rau DTV?
Ib tug ncej xovtooj hom zoo hauv tsev lossis sab nraum zoov yuav ua rau koj lub DTV txais tau zoo tuaj. Yog hais ncaj, hom DTV uas yuav tsum siv ncej yuav tau muaj cov ncej xov tooj tib yam nkaus li cov uas siv rau txais huab cua rau TV analog nyob rau koj tsev thiab.
Yog yuav xaiv ncej xovtooj this vis hauv tsev kom txais tau ntau tshooj TV hauv thaj tsam tsis tau them nyiaj, mus saib
www.antennaweb.org.
Xwm Txheej Kev Nyob Zoo
hais txog qib tseem ceeb tshaj; txaus yuav tsum tau ua dab tsi los sis saib xyuas tam siv.
Ceeb Toom Kev Nyob Zoo
muaj lus tseem ceeb qhia txog ib yam teeb meem los sis caij; tej zaum yuav tsis kom ua dab tsi.
Lus Qhia Tshiab txog Kev Nyob Zoo
muaj lus qhia tshiab txog ib yam teeb meem los sis caij; feem ntau yuav tsis kom ua dab tsi.
 Nkag Npe rau ECHO Cov Lus Qhia Xwm Txheej thiab Kev Phuaj Phais, Lus Ceeb Toom los sis Lus Qhia Tshiab
|
